2026 жылғы 20 мамырда Адам құқықтары жөніндегі уәкілдің Павлодар облысы бойынша өкілі И.В. Тарасенко арнаулы әлеуметтік қызмет көрсету жағдайларына мониторинг жүргізу мақсатында «Жанұя» пансионатына барды.
Пансионат қарт адамдар мен мүгедектігі бар адамдарға ақылы негізде әлеуметтік қызметтер көрсетеді. Бару кезінде мекемеде 25 қызмет алушы тұрған.
Мониторинг барысында тұрғын бөлмелер, санитарлық-тұрмыстық үй-жайлар, асхана, медициналық кабинет және ортақ пайдаланылатын өзге де орындар қаралды. Мекеменің қызмет алушылардың қауіпсіздігін қамтамасыз етуге ықпал ететін 12 бейнебақылау камерасымен жабдықталғаны анықталды.
Қызмет алушылармен әңгімелесу барысында Уәкіл өкілі олардың тұру жағдайына, көрсетілетін қызметтердің сапасына, персоналдың қарым-қатынасына қызығушылық танытып, омбудсмен институтының негізгі қызмет бағыттарын және құқықтары бұзылған жағдайда жүгіну тәртібін түсіндірді.
Сапар қорытындысы бойынша тиісті ұсынымдар жіберілді.
Ақпарат көзі : https://www.gov.kz/memleket/entities/ombudsman-pavlodar-oblysy/press/news/details/1225068?lang=ru
Жауап қалдыру