Аборт: денсаулыққа төнетін қауіптер мен ықтимал асқынулар

Аборт — әйел ағзасына елеулі әсер ететін медициналық араласу. Асқынулар қаупі жүктілік мерзімі ұзарған сайын, қайталанған аборттар кезінде және құралдық әдістер қолданылған жағдайда арта түседі.

Асқынулар әр кезеңде байқалуы мүмкін: процедурадан кейін бірден, алғашқы ай ішінде немесе ұзақ уақыт өткен соң. Ең қауіптілері — қабыну үдерістері (перитонит, сепсис), ұрпақ өрбіту қызметінің бұзылыстары, соның ішінде бедеулік, сондай-ақ психоэмоциялық жай-күйдің өзгерістері.

Негізгі алаңдататын белгілер:

* дене қызуының көтерілуі;

* іштің төменгі бөлігіндегі ауырсыну;

* қалыптан тыс (қанды немесе іріңді) бөлінділер;

* жалпы жағдайдың нашарлауы.

Аталған белгілер байқалған жағдайда дереу медициналық көмекке жүгіну қажет.

Асқынулардың алдын алу үшін:

* сенімді контрацепция әдістерін қолдану;

* процедурадан кейін жеке бас гигиенасын сақтау;

* дәрігерге уақытылы қаралу;

* несеп-жыныс жүйесі ауруларының алдын алу және дер кезінде емдеу.

Денсаулыққа жауапкершілікпен қарау және медициналық сауаттылық — әйелдің репродуктивтік саулығын сақтаудың басты кепілі.