«АДАЛ АЗАМАТ» БАҒДАРЛАМАСЫН ІСКЕ АСЫРУДАҒЫ МЕДИА ТӘСІЛ
20 мамыр күні Федоров ауданы білім бөлімінің Абай атындағы жалпы білім беретін мектебінің базасында «Ұлы тұлғалар жолы» облыстық жобасын іске асыру аясында «Адал азамат» біртұтас тәрбие бағдарламасын жүзеге асырудағы медиа тәсіл» тақырыбында облыстық тәрбиелік семинар өтті.
Семинарға Қостанай облысындағы атаулы мектептердің директорлары, директордың тәрбие ісі жөніндегі орынбасарлары, педагогтері және Федоров ауданы мектептерінің өкілдері қатысты. Ашылу салтанатына Федоров ауданы әкімінің орынбасары Р. Ғ. Валеев пен Федоров ауданы білім бөлімінің басшысы Д. А. Бектыбаева қатысты.
Семинар бағдарламасы қатысушыларға келесі бағыттар бойынша жұмыс ұсынды:
– 4, 5, 9 сыныптарында «Толық адам – Абайдың басты өсиеті» тақырыбындағы ашық тәрбие сағаттары;
– Мектеп жаңалықтарын дайындау, мектеп газетінің макетін әзірлеу және робототехника үйірмелерінің ерекшеліктері бойынша медиа-шеберханалардың жұмысы;
– «Балалар көзімен медиа» кезеңі аясында оқушылар деректі байқау фильмдері, ғылыми жобалар және «Тұлғалар тарихы – ел тарихы» мектеп кинофестивалі бағыттары бойынша өз жұмыстарын таныстырды;
– «MediaZone» панельдік сессиясында мектеп педагогтері медианы оқу-тәрбие үдерісіне, соның ішінде ағылшын тілі сабақтарына енгізу тәжірибесімен бөлісті, сондай-ақ мектептің Instagram-парақшасын жүргізу жүйесі ұсынылды;
– Республикалық «Үздік мектеп парламенті» байқауында «Ең үздік шығармашылық шешім» номинациясының жеңімпаздары атанған «Абай Ізбасарлары» мектеп парламентінің таныстырылымы;
– «Талап, еңбек, терең ой» шығармашылық концерті.
Семинар қорытындысында өз әсерлерімен Қостанай, Рудный, Жітіқара қалаларының мектеп өкілдері, сондай-ақ Денисов және Федоров аудандарының әріптестері бөлісті.
Іс-шара мазмұнды әрі нәтижелі өтіп, мектептің «Адал азамат» біртұтас тәрбие бағдарламасын жүзеге асырудағы жүйелі жұмысын ғана емес, сонымен қатар медиасауаттылық бойынша облыстық құзыреттілік орталығы ретіндегі әлеуетін де көрсетті.
«Ұлы тұлғалар жолы» облыстық жобасы аясында өткен іс-шара тәрбиелік ортаны дамытуға, медиа білім беруді ілгерілетуге және «Адал азамат» бағдарламасының құндылықтарын жүзеге асыруға зор үлес қосты.
Ақпарат көзі : https://www.gov.kz/memleket/entities/kostanai-bilim/press/news/details/1225472?lang=ru
Жауап қалдыру