Аудандық Шығармашылық үйінде аудан мектептерінің белсенді оқушыларымен жылы, әрі тағылымды кездесу өтті. Іс-шараға білім беру саласының ардагерлері мен білім беру ұйымдарының басшылары да қатысты.
Кездесу қатысушыларына аудан әкімі Серік Құдабай құттықтау сөз сөйлеп, жас ұрпақтың жетістіктерінің маңыздылығын атап өтті. Сондай-ақ ұстаздарға жастарды тәрбиелеуге қосқан еңбегі мен үлесі үшін алғысын білдіріп, оқушыларға жаңа жеңістер, өз күшіне сенім және жарқын болашақ тіледі.
Биылғы оқу жылы оқушылар үшін ерекше мазмұнды, әрі табысты болды. Олар білім, спорт, шығармашылық және қоғамдық қызмет салаларында жоғары жетістіктерге жетіп, облыстық және республикалық байқауларда, олимпиадалар мен жарыстарда аудан намысын абыроймен қорғады.
Іс-шара барысында облыстық және республикалық байқаулардың жүлдегерлері өздерінің шығармашылық нөмірлері мен жобаларын таныстырып, таланттарын, бастамашылдығын және дамуға деген ұмтылысын көрсетті.
Кездесу салтанатты марапаттау рәсімімен қорытындыланды. Ауданның үздік оқушылары белсенді өмірлік ұстанымы, білімге деген құштарлығы және жоғары жетістіктері үшін алғыс хаттармен марапатталды.
Ақпарат көзі : https://www.gov.kz/memleket/entities/aqmola-sand/press/news/details/1226809?lang=ru
Жауап қалдыру