Салауатты өмір салтын насихаттау және партия мүшелерінің арасындағы ауызбіршілікті нығайту мақсатында «Аманат» партиясының бастауыш бөлімшелері арасында дүбірлі спартакиада өтті. Спорттық шараға аймақтағы ең белсенді бастауыш ұйымдардан жасақталған 21 команда қатысып, өзара мықтыны анықтады.
Тартысты өткен жарыс бағдарламасына спорттың бірнеше түрі енді:
Эстафеталық таяқшамен жүгіру – командалық рух пен жылдамдықты көрсетті;
Допты алып жүгіру – өзара түсіністік пен тактикалық мығымдықты талап етті;
Ширату, Қаппен жүгіру, Шеңбердегі алмалар – спартакиаданың ең эмоцияға толы, ұйымшылдықты сынайтын шешуші сәті болды.
«Бұл жай ғана спорттық жарыс емес, бұл — біздің бірлігіміздің көрінісі. Саяси алаңда да, спорт майданында да аманаттықтар жоғары дайындық пен топтық жұмыстың үздік үлгісін көрсете алатынын дәлелдеді», — деп атап өтті ұйымдастырушылар.
Ойындардың нәтижесі бойынша жүлделі орындардан көрінген командалар арнайы кубоктармен, медальдармен және бағалы сыйлықтармен марапатталды.
1 Орын – “Түймекент” БПҰ;
2 Орын – “Мерей” БПҰ;
3 Орын – “Байзақ” БПҰ.
Дегенмен, қатысушылардың айтуынша, бұл кештің басты жүлдесі — достық пен спорттық серпіліс.
Спартакиада партияластардың тек жұмыста емес, бұқаралық спортта да көшбасшы екенін тағы бір мәрте айқындап берді.
Ақпарат көзі : https://www.gov.kz/memleket/entities/zhambyl-bayzak/press/news/details/1227028?lang=ru
Жауап қалдыру