“Құрбан айт” — мұсылмандардың басты діни мерекесі, қуаныш, бірлік, қайырымдылық және мұсылмандардың құрбандық шалу уақыты. Биыл – “Құрбан айт” 27-29 мамырда аталып өтіледі. Бұл күндері туған-туыстарына барып, мерекелік дастарханды жаю дәстүрі бар. Ет өнімдерінің үлкен көлеміне, ыстық ауа-райына және жаппай мерекелік шаралардың ұйымдастырылуына байланысты тамақтан улану және жедел ішек инфекцияларының қаупі артады.
Осыған байланысты, тұрғындардың санитариялық-эпидемиологиялық саламаттылығын қамтамасыз ету, тамақтан улану, тағамдық токсикоинфекциялардың, жіті ішек инфекцияларының (оның ішінде сальмонеллездің) алдын алу мақсатында “Құрбан айт” діни мерекесін тойлау күндері Қарағанды облысының санитариялық-эпидемиологиялық бақылау департаменті халықтың санитариялық-эпидемиологиялық саламаттылығы саласындағы нормативтік құқықтық актілердің талаптарын сақтауды ұсынады.
Халық үшін:
– азық-түлік шикізаты (ет) ветеринариялық бақылауды растайтын құжаттармен бірге жүруі тиіс;
– етті күн мен ыстықта қалдырмаңыз. Мүмкіндігінше тезірек оны үйге жеткізіп тоңазытқышқа қою керек;
– өнімді қайтадан мұздатпай, тікелей пісірер алдында ғана жібітіңіз;
– әр тамақ дайындамас бұрын, сондай-ақ шикі етпен байланыста болғаннан кейін қолды сабынмен мұқият жуу қажет;
– жеке кесу тақталары мен пышақтарды шикі етке және термиялық өңделмейтін тағамдарға (көкөністер, шөптер, нан) бөлек қолданыңыз;
– ет толық дайын болғанға дейін қуырылуы немесе қайнатылуы керек;
– еттің, құстың, жұмыртқаның тез бұзылатын өнімдері, сондай-ақ паштеттер, аспаздық өнімдер, кремі бар кондитерлік өнімдер, салаттар дайындалғаннан кейін бірден қолдану;
– дайын тағамдар бөлме температурасында 2 сағаттан артық тұрмауы керек. Тамақ қалдықтарын тоңазытқышқа уақтылы салу керек.
– қонақтардың қол гигиенасы үшін жағдайдың болуы.
Қоғамдық тамақтану объектілерінде және мешіттер жанындағы асханаларда еске алу және қайырымдылық түскі астарын өткізу кезінде ұсынылады:
– тамақ өнімдерін өңдеу, қабылдау, сақтау және өткізу кезеңдерінде санитариялық-эпидемиологиялық талаптардың сақталуын қамтамасыз ету:
– объектілерді жарамды су бұру, суық және ыстық сумен жабдықтау жүйелерімен, сондай-ақ ауыз судың сапасы мен қауіпсіздігімен қамтамасыз ету;
-тамақ өнімдерінің сақталуын, сапасын және қауіпсіздігін қамтамасыз ете отырып, бақылау-өлшеу аспаптары бар тоңазытқыш жабдығының жеткілікті мөлшерінің болуына, температуралық режимнің ерекше жағдайларын талап ететін тез бұзылатын тамақ өнімдерін сақтауға және өткізуге ерекше назар аудара отырып, тамақ өнімдерін сақтау мерзімдері мен шарттарын сақтау;
– азық-түлік өнімдерін қауіпсіздікті растайтын, олардың қадағалануын қамтамасыз ететін құжаттар болған кезде қатаң пайдалану;
– үйде (өнеркәсіптік емес) консервілеу өнімдерін (маринадталған саңырауқұлақтар, маринадталған қияр, қызанақ және т. б.), сондай-ақ герметикасы бұзылған, бомбажды, тот басқан және деформацияланған консервілерді сатып алмау және пайдалануға жол бермеу;
– шикізат пен дайын тамақ өнімдері үшін жеке кесу тақталары, пышақтар пайдалану;
– шикі өнімдерді, жартылай фабрикаттарды және дайын өнімдерді бөлек сақтау, тасымалдау және өлшеп орауды қамтамасыз ететін “тауарлық көршілік” қағидатын сақтау;
– ерекше иісі бар тамақ өнімдерін (шикі ет, нан-тоқаш және ұн өнімдері, дәмдеуіштер, хош иістендіргіштер, балық және ет өнімдері) бөгде иістерді қабылдайтын, сіңіретін тамақ өнімдерінен (сары май, ірімшік, сүзбе, кондитерлік өнімдер және басқалар) бөлек сақтауды қамтамасыз ету;
– суық тағамдарды дайындауға арналған цехтарды (үй-жайларды, учаскелерді) бактерицидтік сәулелендіргіштермен (стационарлық немесе жылжымалы) қамтамасыз ету;
– жуу және дезинфекциялау құралдарын қолдана отырып, үй-жайлар мен жабдықтарды тұрақты ағымдағы және жалпы тазалауды жүргізу;
– жұмыскерлерді іріңді аурулардың және шағын жарақаттарының бар-жоғына күнделікті тексеру;
– қызметкерлердің міндетті медициналық тексеруден, санитариялық-гигиеналық оқытудан өтуі және жұмысқа рұқсатының болуы;
– қызметкерлерді арнайы киім жиынтығымен, бас киімдермен және бір рет қолданылатын қолғаптармен қамтамасыз ету;
– келушілердің қолын жууға және кептіруге (сабын, қағаз сүлгілер, электр кептіргіштер) жағдай жасау;
– қызметкерлердің жеке және өндірістік гигиена ережелерін сақтау.
Ақпарат көзі : https://www.gov.kz/memleket/entities/departament-kkbtu-karaganda/press/news/details/1227722?lang=ru
Жауап қалдыру