НАЗАР АУДАРЫҢЫЗ!

 Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің Маңғыстау облысы бойынша департаменті күшті әсер ететін дәрілік заттарды өткізу және рецепт жазу талаптарын қатаң сақтау қажеттігін ескертеді.

 Маңызды талаптар:

Дәрігер рецептісі арқылы босатылатын дәрілік заттарды рецептісіз сатуға тыйым салынады.

(ҚР «Халық денсаулығы және денсаулық сақтау жүйесі туралы» Кодексі, 233-бап, 5-тармақ)

Рецепттер №078/у нысаны бойынша қағаз немесе электрондық форматта жазылады.

(ҚР ДСМ 30.10.2020 ж. № ҚР ДСМ-175/2020 бұйрығы)

Құрамында есірткі, психотроптық және күшті әсер ететін заттар бар дәрілік заттарға берілген рецепттер 15 күнтізбелік күн ішінде жарамды.

(ҚР ДСМ 02.10.2020 ж. № ҚР ДСМ-112/2020 бұйрығы)

Жауапкершілік:

Аталған дәрілік заттарды сақтау, есепке алу, босату және өткізу қағидаларын бұзу Қазақстан Республикасының заңнамасына сәйкес қылмыстық жауапкершілікке әкеп соғады.

(ҚР Қылмыстық кодексі, 303-бап)

Дәрілік заттарды өткізу және рецепт жазу талаптарын бұзу әкімшілік жауапкершілікке әкеп соғады.

Қайталанған жағдайда денсаулық сақтау саласындағы маман сертификатынан айыруға дейінгі шаралар қолданылуы мүмкін.

(ҚР ӘҚБтК, 82-бап)

Айыппұл мөлшері:

• Бірінші бұзушылық:

– жеке тұлғаларға – 5 АЕК

– лауазымды тұлғаларға – 10 АЕК

• Бір жыл ішінде қайталанған жағдайда:

– жеке тұлғаларға – 10 АЕК

– лауазымды тұлғаларға – 20 АЕК