Шымкент қаласы №16 гимнастикадан олимпиада резервінің мамандандырылған балалар-жасөспірімдер спорт мектебі және Шымкент мемлекеттік зоологиялық саябағының қызметкерлерімен ақпараттық-түсіндіру жұмыстары жүргізілді.

Кездесу барысында қатысушыларға зайырлы мемлекет қағидаттары, діни сенім бостандығы, діни саладағы заңнама талаптары және деструктивті діни ағымдардың алдын алу мәселелері бойынша ақпарат берілді.  

Сондай-ақ, интернет кеңістігіндегі діни ақпараттарды сыни тұрғыдан бағалау және қоғамдағы тұрақтылық пен татулықты нығайтудың маңыздылығы түсіндірілді.

 Іс-шара барысында қатысушылар өздерін қызықтырған сұрақтарына жауап алып, өзара пікір алмасты. Кездесу қоғамдағы тұрақтылықты сақтау, діни экстремизм мен радикалды идеологиялардың алдын алу бағытындағы ақпараттық-түсіндіру жұмыстарын күшейтуге бағытталған.

Ақпарат көзі : https://www.gov.kz/memleket/entities/shymkent-din/press/news/details/1237732?lang=ru