🔹 Жазғы шомылу маусымында тұрғындардың, әсіресе балалардың қауіпсіздігін қамтамасыз ету және судағы жазатайым оқиғалардың алдын алу мақсатында Ордабасы ауданындағы су айдындарында кешенді зерделеу жұмыстары жүргізілді.
🔹Аталған жұмыстарға аудандық прокуратура, арнайы құрылған жұмысшы топ мүшелері және Түркістан облысы Төтенше жағдайлар департаментінің жедел-құтқару жасағы қатысты. Мамандар арнайы техникалар мен құралдардың көмегімен су айдындарының түбін тексеріп, шомылуға қауіп төндіруі мүмкін учаскелерді анықтады.
🔹Зерделеу нәтижесінде тұрғындардың қауіпсіз демалысына қолайлы орындар белгіленіп, судағы қауіпсіздікті қамтамасыз ету бағытындағы тиісті шаралар айқындалды.
🔹Бұл жұмыстардың басты мақсаты – судағы жазатайым оқиғалардың алдын алу, азаматтардың қауіпсіздігін қамтамасыз ету және тұрғындар арасында қауіпсіздік мәдениетін қалыптастыру.
🔹Осыған байланысты аудан тұрғындарын тек рұқсат етілген әрі қауіпсіздігі тексерілген орындарда ғана шомылуға шақырамыз!!
Ордабасы ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-ordabin-audany/press/news/details/1239495?lang=ru
Жауап қалдыру