Братислава, 2026 жылғы 16 маусым – Қазақстанның Словакиядағы Елшісі Жанна Сағынова Словак Республикасы Көлік министрлігінің Мемлекеттік хатшысы Игорь Хомамен кездесті.
Кездесу барысында тараптар көлік және логистика салаларындағы Қазақстан – Словакия ынтымақтастығын одан әрі дамытудың перспективаларын талқылады. Халықаралық ұйымдар аясындағы өзара іс-қимыл мәселелеріне ерекше назар аударылды.
Сұхбат барысында Мемлекеттік хатшы Қазақстанда цифрландыру, байланыс және азаматтық авиация салаларында іске асырылып жатқан бастамалармен танысты. Тараптар Орталық Азия өңіріндегі әуе қатынасын дамыту мәселелерін, сондай-ақ Қазақстан мен Словакия арасында тікелей әуе қатынасын ашу перспективаларын қарастырды.
Кездесу қорытындысы бойынша тараптар екіжақты әріптестікті одан әрі нығайтуға және өзара қызығушылық тудыратын мәселелер бойынша сындарлы диалогты жалғастыруға бейілділігін растады.
Ақпарат көзі : https://www.gov.kz/memleket/entities/mfa-bratislava/press/news/details/1243173?lang=ru
Жауап қалдыру