2026 жылғы маусым айында Ақтөбе қаласының санитарлық-карантиндік бақылау қызметінің мамандары «Әлия Молдағулова» халықаралық әуежайы қызметкерлері арасында эбола қызбасының этиологиясы, клиникалық белгілері және алдын алу шаралары бойынша дәріс өткізді. Іс-шара барысында аса қауіпті жұқпалы аурудың таралу жолдары, клиникалық көріністері және оның алдын алу жолдары кеңінен түсіндірілді. Қатысушыларға инфекцияның алдын алуда санитариялық-эпидемиологиялық талаптарды сақтау маңыздылығы туралы ақпарат берілді. Семинарға қатысушылар тақырыпты белсенді түрде талқылап, өздерін қызықтырған сұрақтарын қойды. Барлық сұрақтарға толық және нақты жауаптар беріліп, өзара тәжірибе алмасу жүргізілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1244820?lang=ru
Жауап қалдыру