Өндірістік бақылау санитариялық-эпидемиологиялық талаптардың бұзылуының алдын алудың және халықтың санитариялық-эпидемиологиялық саламаттылығын қамтамасыз етудің негізгі тетіктерінің бірі болып табылады.
Дәл осы тақырыпқа Ақмола облысының санитариялық-эпидемиологиялық бақылау департаментінде ведомствоның аумақтық бөлімшелерінің мамандарына арналған семинар арналды.
Семинар барысында қатысушылар Қазақстан Республикасы Денсаулық сақтау министрінің 2023 жылғы 7 сәуірдегі №62 бұйрығымен бекітілген «Өндірістік бақылауды жүзеге асыруға қойылатын санитариялық-эпидемиологиялық талаптар» санитариялық қағидаларын қолданудың практикалық аспектілерін жан-жақты қарастырды.
Негізгі баяндамамен Ақмола облысының санитариялық-эпидемиологиялық бақылау департаменті басшысының орынбасары Сауле Садвакасова сөз сөйледі. Өз баяндамасында ол санитариялық қағидалардың негізгі ережелерін егжей-тегжейлі түсіндіріп, объектілерде өндірістік бақылауды ұйымдастыру, қажетті құжаттаманы жүргізу, зертханалық зерттеулерді өткізу және өндірістік орта факторларын бағалау мәселелеріне ерекше назар аударды.
Сумен жабдықтау объектілеріне, жағажайларға, полигондарға және санитариялық-эпидемиологиялық қорытындысы жоқ басқа да объектілерге мемлекеттік санитариялық-эпидемиологиялық бақылауды жүзеге асырудың практикалық аспектілеріне де ерекше көңіл бөлінді. Қатысушылар бақылау қызметі барысында туындайтын өзекті мәселелерді талқылап, оларды шешудің ықтимал жолдарын қарастырды.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/1245384?lang=ru
Жауап қалдыру