«Таза Қазақстан» республикалық экологиялық акциясы аясында 2026 жылғы 24 сәуірде Бородулиха аудандық мәслихатының төрағасы Урашева Сәуле Тұрсынқызы және аудандық мәслихат аппаратының ұжымы Бородулиха ауылындағы Жеңіс саябағы аумағын тазарту бойынша ауқымды сенбілікке белсене қатысты.
Іс-шараның негізгі бағыттарының бірі – саябақ аумағын көгалдандыру мақсатында шырша көшеттерін жаппай отырғызу болды. Отырғызылған жас шыршалар алдағы уақытта саябақтың көркін келтіріп, демалушыларға қолайлы әрі жасыл орта қалыптастыруға мүмкіндік береді.
Сенбілікке ауданның түрлі мекемелері мен ұйымдарының қызметкерлері, жастар және белсенді тұрғындар таңертеңнен бастап қатысты. Қолдарына күрек пен қолғап алып, көтеріңкі көңіл-күймен қатысушылар бірлесіп жұмыс атқарды. Бірнеше сағат ішінде 50 түп жас шырша отырғызылды.
Қатысушылар мұндай бастамалардың адамдарды біріктіретінін, табиғатқа ұқыпты қарауға тәрбиелейтінін және экологиялық мәдениетті қалыптастыратынын атап өтті. Әрбір отырғызылған көшет – болашақ ұрпаққа қамқорлықтың және Бородулиха ауданының тазалығы мен көркеюіне қосылған үлестің символы.
Ақпарат көзі : https://www.gov.kz/memleket/entities/borodulihamaslikhat/press/news/details/1246591?lang=ru
Жауап қалдыру