Абай облыстық мәслихатында кезекті 39-сессия өтті. Күн тәртібі шеңберінде Абай облысы бойынша тексеру комиссиясының төрағасы Нариман Бахытұлы Таушов облыс әкімінің облыстық бюджеттің атқарылуы туралы 2025 жылғы есебіне бюджеттің атқарылуын кейінгі бағалау қорытындысы бойынша дайындалған қорытындымен сөз сөйледі.
Тексеру комиссиясының төрағасы өз сөзінде өңірдің әлеуметтік-экономикалық дамуының оң динамикасын атап өтті. Баяндамада бюджеттің кіріс және шығыс бөліктерін орындау, Бюджеттік бағдарламалардың жоспарланған көрсеткіштеріне қол жеткізу, сондай-ақ Абай облысының 2025 жылға арналған даму жоспары мәселелеріне ерекше назар аударылды. Бұдан басқа, есепті кезеңде жүргізілген мемлекеттік аудиттердің нәтижелері және анықталған жүйелік кемшіліктер айтылды.
Сөз соңында Нариман Бахытұлы бюджеттік жоспарлау сапасын арттыруға, облыс бюджетін басқару тетіктерін жетілдіруге бағытталған бірқатар ұсынымдар ұсынды.
Қорытындыны қарау қорытындысы бойынша мәслихат депутаттары облыстық бюджеттің атқарылу нәтижелері мен бюджеттік жоспарлауды және мемлекеттік ресурстарды пайдалануды одан әрі жетілдіруге бағытталған шараларды талқылады.
Ақпарат көзі : https://www.gov.kz/memleket/entities/revkomabay/press/news/details/1247679?lang=ru
Жауап қалдыру