2026 жылғы 16 маусымда Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Алматы қаласы бойынша департаментінде 2026 жылғы 1 шілдеден бастап күшіне енетін «Қазақстан Республикасының мемлекеттік қызметі туралы» Қазақстан Республикасының Заңына енгізілген өзгерістер мен толықтыруларды түсіндіруге арналған қызметтік кеңес өтті.
Кеңес барысында Қазақстан Республикасы Мемлекеттік қызмет істері агенттігінің Алматы қаласы бойынша департаментінің өкілдері мемлекеттік қызметке кіру және оны өткеру тәртібіне, кадрлық процестерді цифрландыруға, мемлекеттік қызметшілердің әлеуметтік кепілдіктеріне, қызметтік әдеп талаптарына, тәртіптік жауапкершілікке және мемлекеттік қызметшілерге қойылатын жаңа шектеулерге қатысты заңнамадағы негізгі өзгерістерді түсіндірді.
Кеңес қорытындысы бойынша қатысушылардың практикалық сұрақтарына жауаптар беріліп, мемлекеттік қызмет туралы заңнама талаптары мен қызметтік әдеп нормаларын сақтау, сондай-ақ аталған ақпаратты Департаменттің барлық қызметкерлеріне жеткізу бойынша тиісті тапсырмалар берілді.
Ақпарат көзі : https://www.gov.kz/memleket/entities/dkmfk-almaty/press/news/details/1249316?lang=ru
Жауап қалдыру