Конго-Қырым геморрагиялық қызбасына (бұдан әрі – КҚГҚ) күдікті пациенттерді уақтылы анықтау, диагностикалау және оларға медициналық көмек көрсету бойынша медициналық ұйымдардың дайындығын арттыру мақсатында 2026 жылғы 22 маусымда Астана қаласының Санитариялық-эпидемиологиялық бақылау департаменті денсаулық сақтау ұйымдарының мамандарына арналған оқыту семинарын өткізді.
📌 Іс-шараға инфекционист дәрігерлер, эпидемиологтар, қабылдау бөлімшелерінің мамандары, қаладағы медициналық ұйымдардың және санитариялық-эпидемиологиялық қызметтің аумақтық бөлімшелерінің өкілдері қатысты.
📌 Семинар барысында Қазақстан Республикасындағы КҚГҚ бойынша өзекті эпидемиологиялық жағдай, аурудың клиникалық белгілері, пациенттерді ерте анықтау алгоритмдері, медициналық көмек көрсету тәртібі, инфекция ошақтарында эпидемияға қарсы іс-шараларды жүргізуге қойылатын талаптар, сондай-ақ инфекциялық бақылау шараларын сақтау және медицина қызметкерлерінің жеке қорғаныш құралдарын пайдалану мәселелері қаралды.
📌 Қырым-Конго геморрагиялық қызбасының клиникалық ағымы, диагностикасы және емдеу мәселелері бойынша Астана қаласының штаттан тыс инфекционист дәрігері, медицина ғылымдарының кандидаты С. Атығаева баяндама жасады.
Семинарға қатысушылар өздерін қызықтырған сұрақтарға жауап алды.
Ақпарат көзі : https://www.gov.kz/memleket/entities/dsek-astana/press/news/details/1251059?lang=ru
Жауап қалдыру