Астанада «Green Line» аллеясында Ұлттық домбыра күніне арналған мерекелік флешмоб өтті, деп хабарлайды елорда әкімдігінің ресми сайты.
Іс-шараны Нұра ауданы Белсенді ұзақ өмір сүру орталығының «Алтын домбыра» ансамбілі мен Нұра ауданы Ардагерлер кеңесі бірлесіп ұйымдастырды.
Мерекелік жиын барысында ансамбль орындауында «Жастар күйі» күмбірлеп, көпшіліктің сүйікті «Еркем-ай» әні шырқалды. Домбыраның қоңыр үні жиналған жұртшылыққа ерекше әсер сыйлап, ұлттық өнеріміздің құдіретін тағы бір мәрте паш етті.
Флешмобқа қатысқан елорда тұрғындары мен қонақтары өнерпаздардың шеберлігіне ризашылықтарын білдіріп, көтеріңкі көңіл-күймен тарқасты. Бұл тағылымды шара ұлттық мәдениетімізді дәріптеп, ұрпақтар сабақтастығын нығайтуға және халқымыздың рухани мұрасын насихаттауға өз үлесін қосты.
Ақпарат көзі : https://www.gov.kz/memleket/entities/astana/press/news/details/1253715?lang=ru
Жауап қалдыру