«Сыбайлас жемқорлыққа жол жоқ» атты іс-шара өтті
Бүгін Барлыбек Сырттанов ауылдық округі әкімдігінде «Сыбайлас жемқорлыққа жол жоқ» тақырыбында ақпараттық-түсіндіру іс-шарасы ұйымдастырылды.
Іс-шараның негізгі мақсаты – сыбайлас жемқорлықтың алдын алу, қоғамда адалдық, әділдік және заңдылық қағидаттарын нығайту, мемлекеттік қызметшілер мен тұрғындардың құқықтық сауаттылығын арттыру, сондай-ақ сыбайлас жемқорлыққа қарсы мәдениетті қалыптастыру болды.
Кездесу барысында сыбайлас жемқорлық құқық бұзушылықтарының алдын алу, мемлекеттік қызметшілердің әдеп нормаларын сақтау, азаматтардың құқықтары мен міндеттері, сондай-ақ заң талаптарын қатаң сақтау мәселелері кеңінен талқыланды. Қатысушылар адал еңбек ету, мемлекеттік мүлікті ұқыпты пайдалану және қоғамдық жауапкершілікті арттырудың маңыздылығы жөнінде пікір алмасты.
Шара соңында сыбайлас жемқорлыққа қарсы іс-қимыл – әрбір азаматтың ортақ міндеті екендігі атап өтіліп, қоғамда парасаттылық пен ашықтық қағидаттарын қалыптастыруға бірлесіп үлес қосу қажеттігі айтылды.
Сыбайлас жемқорлыққа қарсы мәдениетті қалыптастыру – құқықтық мемлекет пен әділетті қоғам құрудың маңызды бағыттарының бірі болып табылады.
Ақпарат көзі : https://www.gov.kz/memleket/entities/zhetysu-aksu-barlybek-syrttanov/press/news/details/1254463?lang=ru
Жауап қалдыру