Беларусь Республикасының Минск қаласында ТМД-ға қатысушы мемлекеттердің Өнеркәсіптік қауіпсіздік жөніндегі мемлекетаралық кеңесінің XXIV отырысы өтті.
Қазақстандық делегацияны Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің төрағасы Рашид Дубаев және Атом энергетикасы объектілерін мемлекеттік бақылау және қадағалау, сондай-ақ қауіпті техникалық құрылғыларды қауіпсіз пайдалану басқармасының басшысы Азат Тағаев таныстырды.
Отырыс барысында қатысушылар өнеркәсіптік қауіпсіздік саласындағы ынтымақтастықты дамытудың өзекті мәселелерін қарастырды. Мемлекеттік қадағалау тетіктерін жетілдіруге, қауіпті өндірістік объектілерде қызмет жүзеге асыратын мамандарды даярлау және аттестаттау мәселелеріне, сондай-ақ ТМД-ға қатысушы мемлекеттердің нормативтік-құқықтық базасын талдауға ерекше назар аударылды.
Баяндама барысында Комитет төрағасы отырысқа қатысушыларды Қазақстан Республикасының өнеркәсіптік қауіпсіздік саласындағы заңнамасына енгізілген, мемлекеттік бақылаудың тиімділігін арттыруға және қауіпті өндірістік объектілерді қауіпсіз пайдалануды қамтамасыз етуге бағытталған негізгі өзгерістермен таныстырды.
Отырыс қорытындысы бойынша ҚР ТЖМ Өнеркәсіптік қауіпсіздік комитетінің төрағасы Рашид Дубаев ТМД-ға қатысушы мемлекеттердің Өнеркәсіптік қауіпсіздік жөніндегі мемлекетаралық кеңесінің тең төрағасы болып сайланды.
Мемлекетаралық кеңестің жұмысына қатысу халықаралық ынтымақтастықты нығайтуға, озық тәжірибе алмасуға, өнеркәсіптік қауіпсіздіктің ұлттық жүйесін жетілдіруге және халықаралық стандарттарға сәйкес келетін заманауи тәсілдерді енгізуге ықпал етеді.
Ақпарат көзі : https://www.gov.kz/memleket/entities/emer/press/news/details/1257387?lang=ru
Жауап қалдыру