Жаңа спорт нысанының салынуына Алға ауданы орталығының тұрғындары санының артуы және спорт инфрақұрылымына деген сұраныстың өсуі негіз болған.
Алға ауданында 2024 жылы құрылысы басталған заманауи дене шынықтыру-сауықтыру кешені пайдалануға берілді. Қазіргі таңда нысанның жаттықтырушылар құрамы жасақталып жатыр. Бұл жұмыс аяқталғаннан кейін балалар мен жасөспірімдерді спорт секцияларына қабылдау басталады.
Жалпы аумағы 3000 шаршы метрді құрайтын кешен тәулігіне 150 адамға дейін қабылдай алады. Бір мезетте 50 адамның спортпен шұғылдануына жағдай жасалған.
Нысан құрамында жүзу бассейні, футбол алаңы және тұрғындардың тұрақты түрде спортпен айналысуына арналған өзге де қажетті инфрақұрылым бар. Мұнда әртүрлі спорт түрлері бойынша жаттығулар өткізуге барлық мүмкіндік қарастырылған.
Жаңа кешен аудан тұрғындары үшін бұқаралық спорттың қолжетімділігін кеңейтіп, салауатты өмір салтын насихаттауға ықпал етеді. Сонымен қатар балалар мен жастардың бос уақытын тиімді ұйымдастыруға және спортпен жүйелі түрде айналысуына мүмкіндік береді.
Ақпарат көзі : https://www.gov.kz/memleket/entities/aktobe/press/news/details/1259152?lang=ru
Жауап қалдыру