Қостанай облысы полиция департаментінде ішкі істер органдары қызметінде қолданылатын заманауи технологиялар мен инновациялық шешімдерге арналған жұмыс конференциясы өтті.
Іс-шара барысында қатысушыларға қылмыстарды ашу, оқиға болған жерді қарау және дәлелдемелерді жинау кезінде қолданылатын отандық және шетелдік өндірушілердің заманауи техникалық құралдары таныстырылды. Ерекше назар криминалистика, цифрлық технологиялар және ұшқышсыз ұшу аппараттары саласындағы жаңа әзірлемелерге аударылды.
Сондай-ақ мамандар заманауи дрондар мен басқа да жоғары технологиялық жабдықтардың мүмкіндіктерін көрсетіп, олардың полиция қызметінің тиімділігін арттыруға және қызметтік міндеттерді жедел орындауға қосатын үлесін таныстырды.
Өткен конференция тәжірибе алмасуға, озық технологиялармен танысуға және оларды полицияның күнделікті қызметіне енгізу перспективаларын талқылауға мүмкіндік беретін тиімді алаңға айналды.
Ақпарат көзі : https://www.gov.kz/memleket/entities/mvd-kostanay/press/news/details/1260773?lang=ru
Жауап қалдыру