Қазақстан Республикасының Салық кодексінің 617-бабының 1-тармағына сәйкес жер учаскелерін пайдаланғаны үшін төлемақы мемлекет уақытша өтеулі жер пайдалану (жалға алу) үшін жер учаскесін және қатты пайдалы қазбаларды барлауға немесе өндіруге берілген лицензия негізінде жер қойнауы учаскесін ұсынғаны үшін алынады.
Салық кодексінің 618 және 619-баптарына сәйкес төлемақы төлеушілер – жер учаскесін немесе лицензия негізінде жер қойнауы учаскесін алған тұлғалар, ал салық салу объектілері – аталған жер учаскелері мен жер қойнауы учаскелері.
Салық кодексінің 621-бабына сәйкес жер қойнауы учаскелері бойынша төлемақы мөлшерлемелері салық кезеңінің бірінші күні қолданыста болатын АЕК мөлшеріне қарай айқындалады.
Егер жер қойнауын пайдалану лицензиясының қолданылу кезеңі салық кезеңі ішінде өзгерсе, төлемақы әрбір мөлшерлеменің қолданылу мерзіміне пропорционалды түрде есептеледі. Сондықтан бүкіл салық кезеңіне бір ғана мөлшерлемені қолдану заңнама талаптарына сәйкес келмейді.
Осыған байланысты лицензия 1–36 ай кезеңінен 37–60 ай кезеңіне ауысқан жағдайда 851.02-нысан бойынша төлемақы әрбір мөлшерлеменің қолданылу уақытына пропорционалды есептеліп, кейін алынған сомалар қосылады.
Ақпарат көзі : https://www.gov.kz/memleket/entities/kgd-abay/press/news/details/1262023?lang=ru
Жауап қалдыру