Алматы және Жетісу облыстары бойынша ҚАЖ департаментінде Ұлттық ұлан әскери қызметшілерін қабылдау рәсімі өтті

Алматы және Жетісу облыстары бойынша ҚАЖ департаментінде Ұлттық ұлан әскери қызметшілерін қабылдау рәсімі өтті

Алматы және Жетісу облыстары бойынша Қылмыстық-атқару жүйесі департаментінде Қазақстан Республикасы Ұлттық ұланының әскери қызметшілерін ҚАЖ органдарына қабылдаудың салтанатты рәсімі өтті.

Іс-шараға департамент басшылығы, Ұлттық ұланның өкілдері және жеке құрам қатысты.

Салтанатты рәсім барысында қызметтік тәртіпті нығайту, қылмыстық-атқару жүйесі мекемелерінің қауіпсіздігін қамтамасыз ету және жүктелген міндеттерді сапалы орындау жолындағы өзара іс-қимылдың маңыздылығы атап өтілді.

Департамент басшылығы әскери қызметшілерді жаңа қызмет орындарымен құттықтап, олардың кәсіби даярлығы мен жауапкершілігі ҚАЖ органдарының қызмет тиімділігін арттыруға ықпал ететініне сенім білдірді.

Іс-шара барысында әскери қызметшілер Қылмыстық-атқару жүйесі органдарының жеке құрамына ресми түрде таныстырылып, қызметке қабылдауға байланысты қажетті құжаттық рәсімдер жүргізілді.

Өз кезегінде Ұлттық ұлан өкілдері әскери қызметшілердің кәсіби даярлығы мен әскери тәртібі жоғары деңгейде екенін атап өтіп, олардың жаңа қызмет орнында заңдылықты, құқықтық тәртіпті және мекемелердің қауіпсіздігін қамтамасыз етуге лайықты үлес қосатынына сенім білдірді.

Мұндай іс-шаралар құқық қорғау органдары арасындағы ведомствоаралық өзара іс-қимылды нығайтуға, сондай-ақ қылмыстық-атқару жүйесі мекемелерінде заңдылық пен қауіпсіздікті қамтамасыз етуге бағытталған.

Ақпарат көзі : https://www.gov.kz/memleket/entities/duisalmjetobl/press/news/details/1262586?lang=kk