Қазақстан Республикасы Денсаулық сақтау министрлігінің Медициналық және фармацевтикалық бақылау комитеті дәрілік заттар мен медициналық бұйымдарды тіркеу жүйесін жетілдіруді жалғастыруда. «Бір терезе» қағидатын енгізу фармацевтикалық нарыққа қатысушылар үшін мемлекеттік қызметтерді одан да ыңғайлы, ашық әрі тиімді етеді.
Жаңа тәсіл өтініш берушілердің реттеуші органдармен өзара іс-қимылының жекелеген кезеңдерін бірыңғай процеске біріктіреді. Бұл әкімшілік шаралардың санын азайтуға, құжаттарды тапсыру ыңғайлылығын арттыруға және бағалаудың қажетті кезеңдерінен өтуді жылдамдатуға мүмкіндік береді.
2026 жылдың бірінші жартыжылдығында 2 820 дәрілік зат пен медициналық бұйым тіркелді, бұл өткен жылдың ұқсас кезеңіндегі көрсеткіштен (2 663 тіркеу) жоғары.
Осы кезеңде:
- 1 359 қауіпсіздік туралы қорытынды;
- Фармацевтикалық қызмет саласында 860 лицензия;
- 1 289 маман сертификаты берілді.
«Бір терезе» қағидатын іске асыру шеңберінде дәрілік заттар мен медициналық бұйымдарға жеделдетілген сараптама жүргізуге 57 шарт жасалды.
Қазіргі уақытта 20 өтініш қаралуда, оның ішінде:
- 6 өтінім бастапқы сараптамадан өтуде;
- 6 өтінім мамандандырылған сараптама кезеңінде;
- 8 өтінім – қауіпсіздік туралы қорытынды әзірлеу кезеңінде.
Тіркеу жүйесін жетілдіру іс-шаралардың ашықтығын арттыруға, өтініш берушілерге түсетін әкімшілік жүктемені азайтуға және сонымен бірге дәрілік заттар мен медициналық бұйымдардың сапасына, тиімділігіне әрі қауіпсіздігіне қойылатын қатаң талаптардың сақталуын қамтамасыз етуге мүмкіндік береді.
Цифрлы мемлекеттік қызметтерді дамыту реттеу процестерінің тиімділігін арттыруға және нарыққа жаңа дәрілік препараттар мен медициналық бұйымдарды шығару кезінде қажетті шаралардан жедел өту үшін жағдай жасауға бағытталған.
Медициналық және фармацевтикалық бақылау комитеті цифрлық шешімдерді дамыту, сараптама механизмдерін жетілдіру және дәрілік заттар мен медициналық бұйымдардың айналымындағы мемлекеттік қызметтердің сапасын арттыру бағытындағы жұмыстарды жалғастырады.
Ақпарат көзі : https://www.gov.kz/memleket/entities/kmfk/press/news/details/1263185?lang=ru
Жауап қалдыру