Қазақстан Республикасының Энергетика министрі Ерлан Ақкенженов «ExxonMobil Upstream» компаниясының Президенті Дэн Амманмен кездесу өткізді.
Кездесу барысында тараптар ExxonMobil компаниясының Қазақстандағы қазіргі қызметін, мұнай-газ саласындағы бірлескен жобалардың іске асырылуын, сондай-ақ стратегиялық әріптестікті одан әрі дамыту перспективаларын талқылады.
Министр ExxonMobil компаниясының көптеген жылдар бойы Қазақстанның негізгі серіктестерінің бірі болып келе жатқанын, елдің мұнай-газ секторын дамытуға және ірі инвестициялық жобаларды іске асыруға елеулі үлес қосып отырғанын атап өтті.
Тараптар өзара қызығушылық тудыратын барлық өзекті мәселелер бойынша қолданыстағы келісімдер мен міндеттемелерді сақтай отырып, сындарлы өзара іс-қимылды жалғастыруға мүдделі екенін растады.
Кездесу қорытындысы бойынша тараптар тұрақты диалогты жалғастыруға және Қазақстанның мұнай-газ саласын одан әрі дамытуға, сондай-ақ инвестициялық ынтымақтастықты нығайтуға бағытталған перспективалы жобаларды бірлесіп іске асыруға дайын екендіктерін растады.
Ақпарат көзі : https://www.gov.kz/memleket/entities/energo/press/news/details/1267510?lang=ru
Жауап қалдыру