Үлкен Нарын ауданы әкімінің аппараты ауданның ауылдық елді мекендері арасында жыл сайын өткізілетін «Үлгілі ауыл» конкурсының аудандық кезеңінің басталғанын хабарлайды.
Конкурс ауылдық аумақтарды дамытуға ынталандыру, тұрғындардың азаматтық белсенділігін арттыру, экологиялық мәдениетті қалыптастыру, елді мекендердің абаттандырылуы мен санитариялық жағдайын жақсарту, сондай-ақ «Таза Қазақстан» жалпыұлттық экологиялық бастамасын іске асыру мақсатында өткізіледі.
Конкурсқа ауданның ауылдық округтері қатысуға шақырылады.
Конкурсқа қатысу үшін аудан әкімінің аппаратына төмендегі құжаттарды ұсыну қажет:
конкурсқа қатысуға өтінім;
конкурс өлшемшарттарына сәйкес елді мекеннің жетістіктерін растайтын материалдар;
елді мекен туралы бейнеролик (бейнеөтінім).
Қатысушыларды бағалау кезінде төмендегі көрсеткіштер ескеріледі:
«Таза Қазақстан» экологиялық бастамасы аясында өткізілген іс-шаралар;
елді мекенді абаттандыру және көгалдандыру;
санитариялық және экологиялық жағдайы;
инженерлік және әлеуметтік инфрақұрылыммен қамтамасыз етілуі;
автомобиль жолдарының жай-күйі;
қоғамдық белсенділіктің, спорттың және экологиялық волонтерліктің дамуы;
саябақтардың, балалар ойын алаңдарының, қоғамдық кеңістіктердің болуы және конкурс туралы Ережеде көзделген өзге де көрсеткіштер.
Аудандық кезеңнің жеңімпазы Үлкен Нарын ауданын «Үлгілі ауыл» конкурсының облыстық кезеңінде таныстырады.
Конкурсқа қатысу мәселелері бойынша Үлкен Нарын ауданы әкімінің аппаратына хабарласуға болады.
Ақпарат көзі : https://www.gov.kz/memleket/entities/vko-ulken-naryn/press/news/details/1267913?lang=ru
Жауап қалдыру