Қазақстанда 23 тамыз күні Құрылтай депутаттарының сайлауы өтеді. Ел үшін маңызды оқиғаға дейін 20 күн қалды, деп хабарлайды Астана қаласы әкімдігінің ресми сайты.
Бұған дейін елорданың көрнекті нысандарында Қазақстан Республикасы Құрылтайы депутаттарының сайлауына дейінгі кері санақ іске қосылған болатын.
Арнайы таблолар алып шолу дөңгелегіне және «Қазақстан темір жолы» ұлттық компаниясының ғимаратына орналастырылды. Сондай-ақ кері санақ Сығанақ пен Түркістан көшелерінің қиылысында орналасқан 3D LED-экранда да көрсетіле бастады.
Экрандарда дауыс беруге дейін қалған күндер саны көрсетіліп, елорда тұрғындары мен қонақтарына алдағы маңызды оқиға туралы еске салып тұрады.
Ақпарат көзі : https://www.gov.kz/memleket/entities/astana/press/news/details/1268006?lang=ru
Жауап қалдыру