2026 жылғы 6 тамызда Көліктегі санитариялық-эпидемиологиялық бақылау департаментінде және оның бөлімшелік басқармаларының қызметкерлерінің қатысуымен «Қоғамда заң мен тәртіп идеологиясын ілгерілету жөніндегі 2025–2030 жылдарға арналған тұжырымдама» тақырыбында семинар өткізілді. Іс-шараның мақсаты – қоғамда заң үстемдігін нығайту, құқықтық мәдениетті қалыптастыру, азаматтардың құқықтық санасын арттыру, сондай-ақ мемлекеттік қызметшілер арасында заңдылық пен тәртіп қағидаттарын кеңінен насихаттау болды. Семинар барысында Тұжырымдаманың негізгі бағыттары, заң мен тәртіп қағидаттарын іске асырудың тетіктері, мемлекеттік қызметшілердің құқықтық жауапкершілігі, қызметтік әдеп нормаларын сақтау, сыбайлас жемқорлықтың алдын алу және қоғамда заңға құрмет мәдениетін қалыптастыру мәселелері талқыланды. Қатысушылар заң талаптарын қатаң сақтау, кәсіби қызметте ашықтық пен адалдық қағидаттарын ұстану, сондай-ақ мемлекеттік қызметтің тиімділігі мен қоғам сенімін арттыру бағытында пікір алмасты. Семинар қорытындысы бойынша қызметкерлерге заңдылық қағидаттарын күнделікті қызмет барысында мүлтіксіз сақтау және құқықтық мәдениетті арттыруға бағытталған жұмыстарды жүйелі түрде жалғастыру жөнінде ұсынымдар берілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1270010?lang=ru
Жауап қалдыру