2026 жылы Маңғыстау туризм колледжінде «New Tourism College: дамудың заманауи сатысы» атты облыстық форум өтті. Форум аясында колледждің жаңартылған бренді мен жаңа даму стратегиясы таныстырылып, кәсіптік білім беру жүйесіне инновациялық және цифрлық жобаларды енгізу мәселелері талқыланды.
Іс-шараға білім беру ұйымдарының басшылары, мемлекеттік органдардың өкілдері, бизнес қауымдастық, әлеуметтік серіктестер, ІТ-мамандар, студенттер мен бұқаралық ақпарат құралдарының өкілдері қатысты. Форум барысында жасанды интеллект негізіндегі «Дұрыс тамақтану» Telegram-боты таныстырылып, үш колледждің бірлескен жобасы ұсынылды, сондай-ақ ынтымақтастық туралы меморандумдарға қол қойылып, жаңа стартаптар таныстырылды.
Форумда туризм саласы үшін білікті кадрлар даярлаудың маңыздылығы ерекше аталып, Маңғыстау туризм колледжінің өңірдегі туризм индустриясына қажетті мамандарды даярлаудағы рөлі көрсетілді.
Ақпарат көзі : https://www.gov.kz/memleket/entities/mangystau-tourism/press/news/details/1270083?lang=ru
Жауап қалдыру