Кездесу барысында Департамент мамандары кәсіпкерлермен қосылған құн салығын (ҚҚС) әкімшілендіру, арнаулы салық режимдерін (АСР) қолдану және камералдық бақылау жүргізу мәселелерін талқылады.
Қатысушыларға:
ҚҚС бойынша тіркеу тәртібі;
арнаулы салық режимін таңдау және қолдану ерекшеліктері;
камералдық бақылау нәтижелері бойынша хабарламаларды жолдау негіздері;
салықтық тексерулерді тағайындамай-ақ анықталған бұзушылықтарды өз бетінше жою тәртібі түсіндірілді.
Сондай-ақ салық заңнамасы талаптарын сақтау, салықтық тәуекелдердің алдын алу және салық төлеушілер жиі жіберетін қателіктерге ерекше назар аударылды.
Ашық диалог форматында бизнес өкілдері өздерін қызықтырған сұрақтарға жауап алып, Департамент мамандарынан тәжірибелік ұсынымдар алды.
Осындай кездесулер кәсіпкерлердің салықтық сауаттылығын арттыруға, мемлекет пен бизнес арасындағы әріптестік қатынастарды нығайтуға және салық міндеттемелерін ерікті түрде орындау мәдениетін қалыптастыруға ықпал етеді.
Абай облысы бойынша Мемлекеттік кірістер департаменті салық төлеушілерді қолдауға және бизнес-қоғамдастықпен ашық диалогты дамытуға бағытталған ақпараттық-түсіндіру жұмыстарын жүйелі түрде жалғастырады.
Ақпарат көзі : https://www.gov.kz/memleket/entities/kgd-abay/press/news/details/1270128?lang=ru
Жауап қалдыру