Иммунопрофилактика саласында оң динамика байқалады
Павлодар облысында эпидемиологиялық ахуал бойынша оң динамика сақталуда.
Павлодар облысының санитариялық-эпидемиологиялық бақылау департаментінің басшысы Батырбек Әлиев пен Павлодар облысының денсаулық сақтау басқармасының басшысы Ермек Кучуков облыстық штаб отырысына қатысып, иммунопрофилактика және вакцинамен басқарылатын инфекциялардың алдын алу мәселелерін қарады.
Ағымдағы жылдың өткен кезеңінде бірқатар инфекциялық аурулар бойынша жағдай тіркелген жоқ, ал 26 инфекция бойынша сырқаттанушылықтың төмендеуі байқалды.
Қызылшаның алдын алуға ерекше көңіл бөлінуде. Биыл облыста 402 қызылша жағдайы тіркелді. Эпидемиологиялық ахуалды тұрақтандыру мақсатында толықтыра иммундау жұмыстары белсенді жүргізілуде.
Қазіргі таңда қызылшаға қарсы 3 753 бала вакцинацияланды. Сонымен қатар 6 айдан 11 ай 29 күнге дейінгі 1 298 бала қосымша вакцинациямен қамтылды.
Көкжөтел бойынша да оң динамика байқалады: биыл 41 жағдай тіркелсе, өткен жылдың осы кезеңінде 53 жағдай тіркелген.
Облыс аудандарында да вакцинация қарқыны бойынша оң нәтижелер бар. Иммундаумен қамтуды арттыру, сондай-ақ ата-аналармен және балалардың заңды өкілдерімен түсіндіру жұмыстарын күшейтуге ерекше назар аударылуда.
Бүгінде қабылданып жатқан шаралар оң нәтиже беруде. Негізгі міндет — вакцинациямен қамтудың жоғары деңгейін қамтамасыз ету, толықтыра иммундауды уақтылы жүргізу және вакцинамен басқарылатын инфекциялардың таралуына жол бермеу.
Денсаулық сақтау жүйесі мен халықтың бірлескен күш-жігері өңірдегі эпидемиологиялық тұрақтылықты сақтауға және инфекциялықаурулардың алдын алуға мүмкіндік береді.
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1271727?lang=ru
Жауап қалдыру