Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық кодексін енгізу жобалық кеңсесінің 24-отырысында денсаулық сақтау саласында ҚҚС қолдану мәселесі қайта қаралды.
Жаңа Салық кодексінде денсаулық сақтаудың жекелеген бағыттары үшін ҚҚС мөлшерлемесін кезең-кезеңімен өзгерту көзделген. Бұл ретте тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде ұсынылатын медициналық қызметтер мен дәрілік заттар ҚҚС-тан босатылды. Бұл дәрілік заттардың 3 мыңнан аса түрі.
Сондай-ақ сирек және әлеуметтік маңызы бар ауруларды емдеу, диагностикалау, алдын алу және оңалту бойынша медициналық қызметтерге ҚҚС салынбайды. Қосымша ТМККК және МӘМС шеңберінде дәрілік заттарды өндіру үшін пайдаланылатын фармацевтикалық субстанциялардың импорты салықтан босатылды.
Ақпарат көзі : https://www.gov.kz/memleket/entities/economy/press/news/details/1271911?lang=ru
Жауап қалдыру