Түркістан қаласы әкімі аппаратының басшысы Қуаныш Әлібековтің төрағалығымен 23 тамызда өтетін Құрылтай депутаттарының сайлауына дайындық барысы бойынша арнайы жиын өтті.
Жиында сайлау учаскелерінің әзірлігі, ақпараттық-насихат жұмыстары, қоғамдық-саяси ахуал мәселелері қаралды.
Жауапты бөлімдерге сайлау учаскелерінің материалдық-техникалық және санитарлық жағдайы, интернет және резервтік электр көздерімен қамтамасыз ету тапсырылды. Сонымен қатар мүмкіндігі шектеулі азаматтарға дауыс беруге қолайлы жағдай жасауға басымдық берілді.
Сайлау күні қоғамдық тәртіпті сақтау, медициналық және төтенше жағдайлар қызметтерінің кезекшілігін ұйымдастыру, сондай-ақ қала әкімдігі жанындағы штабтың тәулік бойы жұмыс істеуі қамтамасыз етіледі.
Ақпараттық бағытта әлеуметтік желілер мен БАҚ-да тұрғындарға сайлау туралы түсіндіру жұмыстары қарқынды жалғаспақ. Қаладағы 6 сайлау учаскесінде «мини ЦОН» қызметі ұйымдастырылып, тіркеуде жоқ азаматтарды уақытша тіркеу мүмкіндігі бойынша ақпараттық түсіндіру жұмыстары жүргізіледі.
Жиын соңында барлық жауапты мекеме басшыларына белгіленген міндеттерді уақытылы әрі сапалы орындау, сайлау күндері жұмысты күшейтілген режимде ұйымдастыру тапсырылды.
Ақпарат көзі : https://www.gov.kz/memleket/entities/turkestan-kalasy/press/news/details/1273299?lang=kk
Жауап қалдыру