Қазақстан Республикасының Энергетика министрлігінде Абай оқулары өтті. «Асыл сөзді іздесең, Абайды оқы, ерінбе!» тақырыбындағы іс-шара ұлы ақынның өнегелі ойлары мен тағылымын кеңінен танытуға арналды.
Шығармашылық кешке Министрліктің және оның құрылымдық бөлімшелерінің қызметкерлері қатысып, хакім Абайдың әдеби және музыкалық мұрасын әр қырынан танытты. Атап айтқанда, «Өлең – сөздің патшасы, сөз сарасы», «Сенбе жұртқа», «Кеше бала ең, келдің ғой талай жасқа» шығармалары мен 31-ші Қара сөзі мәнерлеп оқылды. «Көзімнің қарасы», «Бойы бұлғаң» әндері орындалды.
Бағдарлама домбыра мен гитара сүйемеліндегі музыкалық туындылармен және арнайы би қойылымымен толықты.
Іс-шара соңында қатысушылар Абайдың көпшілікке кеңінен танымал «Желсіз түнде жарық ай» әнін бірге орындады.
Ақпарат көзі : https://www.gov.kz/memleket/entities/energo/press/news/details/1274257?lang=ru
Жауап қалдыру