Петропавл қаласы полиция басқармасының ювеналды полиция қызметкерлері қазақтың ұлы ақыны, ойшыл әрі ағартушысы Абай Құнанбайұлының туғанына 181 жыл толуына орай тақырыптық іс-шара өткізді.
Кәмелетке толмағандар үшін әдеби оқулар, пікірталастар және танымдық байқаулар ұйымдастырылды. Қатысушылар Абайдың өмірі мен шығармашылығымен танысып, оның шығармаларын оқып, мол мұрасының маңызы туралы ой бөлісті. Педагогикалық тұрғыдан ерекше назар аударуды қажет ететін жасөспірімдерге, сондай-ақ өмірлік қиын жағдайға тап болған және әлеуметтік қолдауды қажет ететін отбасыларға ерекше көңіл бөлінді.
Мұндай іс-шаралар жасөспірімдердің рухани-адамгершілік тәрбиесіне, мәдени құндылықтарды бойына сіңіруіне ықпал етеді. Бұл — «Заң мен тәртіп» тұжырымдамасын іске асырудың маңызды бағыттарының бірі.
Ақпарат көзі : https://www.gov.kz/memleket/entities/mvd-sko/press/news/details/1276953?lang=ru
Жауап қалдыру