Прокурорлық қадағалау нәтижесінде мемлекетке келтірілген залал толық өтелді.
Әулиекөл ауданының прокуратурасы заңнама талаптарының сақталуына жүргізілген талдау барысында мемлекеттік грант қаражатын мақсатсыз пайдалану фактісін анықтады.
2023 жылы азаматқа кәсіпкерлік бастаманы жүзеге асыру үшін 1 380 000 теңге көлемінде мемлекеттік грант берілген.
Алайда грант қаражатына сатып алынған жабдық іс жүзінде мәлімделген мақсатта пайдаланылмаған. Сонымен қатар оның техникалық сипаттамалары есептік құжаттарда көрсетілген мәліметтерге сәйкес келмеген.
Прокуратура материалдарының негізінде алаяқтық белгілері бойынша сотқа дейінгі тергеп-тексеру басталды.
Тергеу барысында грант алушы мемлекетке келтірілген залалды толық өтеп, 1,38 млн теңгені бюджетке өз еркімен қайтарды.
Кінәсін мойындауы, келтірілген залалды ерікті түрде өтеуі және қылмыстық-процестік заңнамада көзделген өзге де мән-жайлар ескеріліп, қылмыстық іс ақталмайтын негіздер бойынша тоқтатылды.
Әулиекөл ауданының прокуратурасы мемлекеттік гранттар нақты бизнес-жобаларды жүзеге асыру үшін берілетінін еске салады.
Бюджет қаражатын мақсатсыз пайдалану Қазақстан Республикасының заңнамасына сәйкес жауапкершілікке әкеп соғады.
Қостанай облысының прокуратурасы
Ақпарат көзі : https://www.gov.kz/memleket/entities/prokuratura-kostanay/press/news/details/1277825?lang=ru
Жауап қалдыру