Көкшетау қаласында жаңа 2026–2027 оқу жылына дайындық мәселелеріне арналған дәстүрлі тамыз кеңесі өтті.
Кеңес барысында қала әкімі білім беру жүйесін дамытудағы негізгі міндеттерді атап өтті. Биыл 11 мектеп пен 3 мектепке дейінгі ұйымның ағымдағы жөндеу жұмыстарына 321,9 млн теңге бөлінді. №12 және №16 мектептерде жалпы сомасы шамамен 2 млрд теңгеге күрделі жөндеу жұмыстары жүргізілуде. Сондай-ақ Чайкино шағын ауданында 120 орындық жаңа мектептің құрылысы жалғасуда.
Білім сапасын арттыруға, балалардың қауіпсіздігін қамтамасыз етуге, физика-математикалық және инженерлік бағыттарды дамытуға, сондай-ақ кәсіби бағдар беру жұмыстарына ерекше назар аударылды.
Жиын соңында қала әкімі ұстаздарға кәсіби еңбегі мен білім саласының дамуына қосқан үлесі үшін алғыс білдірді. Сала үздіктері сертификаттармен және алғыс хаттармен марапатталды.
Ақпарат көзі : https://www.gov.kz/memleket/entities/aqmola-kokshetau/press/news/details/1277785?lang=ru
Жауап қалдыру