30 жылдан астам уақыттан кейін Арқалық әуежайы қайтадан жолаушылар әуе рейстеріне ашылды.
22 тамызда қала әуежайына Астана–Арқалық бағыты бойынша алғашқы жолаушылар рейсі келіп қонды. Әуе кемесінің бортында 50 жолаушы болды.
Бұл оқиғаның алдында әуежайда ауқымды жаңғырту жұмыстары жүргізілді. Жаңа жолаушылар терминалы салынып, ұшу-қону жолағы, рулеждік жол және перрон қайта жаңғыртылды.
Жоба прокуратура органдарының заңсыз шығарылған активтерді қайтару жөніндегі жұмысы аясында іске асырылды. Әуежайды жаңғыртуға шамамен 20 млрд теңге бағытталды, оның ішінде 6 млрд теңге Арнаулы мемлекеттік қордан бөлінді.
Әуе қатынасының қайта жандануы Арқалық қаласы мен оған іргелес аудандардың көлік қолжетімділігін арттырудағы маңызды қадам болмақ. Бұл тұрғындар үшін мүмкіндіктерді кеңейтіп, өңірдің әлеуметтік-экономикалық дамуына қосымша жағдайлар жасайды.
Мемлекетке қайтарылған активтер азаматтардың өмір сүру сапасын арттыруға қызмет етуде.
Қостанай облысының прокуратурасы
Ақпарат көзі : https://www.gov.kz/memleket/entities/prokuratura-kostanay/press/news/details/1279248?lang=ru
Жауап қалдыру