2026 жылғы 21 тамызда Әлеуметтік қорғау саласындағы реттеу және бақылау комитетінің қызметкері Бейсенбаева Ф.А. Ұлытау облысы бойынша зейнетақылар мен мемлекеттік жәрдемақыларды тағайындау және төлеу мәселелері жөніндегі департамент қызметкерлеріне арналған семинар өткізді.
Оқытудың негізгі мақсаты – мамандардың кәсіби құзыреттілігін арттыру, қолданыстағы заңнама нормаларын біркелкі қолдануды қамтамасыз ету, зейнетақымен және әлеуметтік қамсыздандыру саласындағы мемлекеттік көрсетілетін қызметтердің сапасын, сондай-ақ халықтың қанағаттану деңгейін арттыру.
Семинар барысында қолданыстағы заңнама талаптарын қатаң сақтау, мемлекеттік көрсетілетін қызметтерді ұсыну кезінде құқық бұзушылықтардың алдын алу, сыбайлас жемқорлық көріністеріне жол бермеу, сондай-ақ ішкі бақылауды күшейту мәселелеріне ерекше назар аударылды.
Мұндай семинарларды өткізу мамандар жұмысының сапасын арттыруға, әлеуметтік төлемдерді тағайындау және төлеу процестерін жетілдіруге және, соның нәтижесінде, азаматтардың құқықтары мен заңды мүдделерін қамтамасыз етуге ықпал етеді.
Мемлекеттік көрсетілетін қызметтердің сапалы әрі уақтылы көрсетілуі зейнетақы және әлеуметтік қамсыздандыру жүйесінің тиімділігін айқындайтын негізгі көрсеткіштердің бірі болып табылады.
Ақпарат көзі : https://www.gov.kz/memleket/entities/lspm/press/news/details/1279917?lang=ru
Жауап қалдыру