Түркістан облысында «Үздік қарауыл бастығы» байқауы өтті

Конкурстың негізгі мақсаты – өрт сөндіру бөлімшелерінің кезекшілік бастықтарының кәсіби шеберлігін арттыру, олардың теориялық білімдері мен практикалық дағдыларын жетілдіру, сондай-ақ қызметкерлерді қызметтік міндеттерді сапалы және тиімді орындауға ынталандыру болды.

Жарыс барысында қатысушылар жоғары деңгейдегі кәсіби білімдерін, шұғыл шешім қабылдау қабілеттерін және тамаша практикалық дайындықтарын көрсетті. Жарыс қысымды жағдайда, шынайы бәсекелестік аясында өтті. Қатысушылар алдыңғы қатарлы тәжірибелерімен бөлісіп, жоғары кәсібилік деңгейлерін дәлелдеді.

Конкурс қорытындысы бойынша жүлделі орындар келесідей бөлініп берілді:

• I орын – Сауран ауданының 41-өрт сөндіру бөлімінің кезекшілік бастығы, азаматтық қорғау старшинасы Керінбек Е.Е.

• II орын – Келес ауданының 19-өрт сөндіру бөлімінің кезекшілік бастығы, азаматтық қорғау старшинасы Құрбанов А.С.

• III орын – Түркістан қаласының 39-арнайы өрт сөндіру бөлімінің старший инженері, азаматтық қорғау старшинасы Жаппар Е.Ө.

Жүлделі орындарды иеленген жеңімпаздарды шын жүректен құттықтаймыз! Белсенділік танытқаны, кәсіби білімдері мен жоғары жауапкершілігі үшін барлық қатысушыларға алғыс білдіреміз.

Мұндай кәсіби конкурстарды өткізу өрт сөндіру бөлімшелерінің қызметкерлерінің біліктілігін арттыруға, шұғыл шешім қабылдау дағдыларын жетілдіруге және төтенше жағдайларға тиімді реакция көрсету дайындығын нығайтуға ықпал етеді.