Арнайы салық режимін Қазақстан Республикасының аумағында ауыл шаруашылығы мақсатындағы жер учаскелеріне жеке меншік және (немесе) жер пайдалану құқығында, оның ішінде қайталама жер пайдалану құқығында иелік ететін шаруа және фермер қожалықтары қолдануға құқылы.
Арнайы салық режимін (АСР) қолдану мақсатында мұндай жер учаскелерінің жиынтық алаңы аумақтық аймаққа байланысты белгіленген шекті мөлшерлерден аспауға тиіс:
-
5 000 гектарға дейін;
-
3 500 гектарға дейін;
-
1 500 гектарға дейін;
-
500 гектарға дейін.
Егер жер учаскелері әртүрлі аумақтық аймақтарда орналасқан жағдайда, олардың жиынтық алаңы тиісті аймақтар үшін белгіленген ең жоғары шекті нормадан аспауға тиіс.
Арнайы салық режимі жеке табыс салығын (төлем көзінен ұсталатын салықты қоспағанда) есептеудің ерекше тәртібін көздейді. Бұл режим шаруа және фермер қожалықтарының мынадай қызмет түрлеріне қолданылады:
-
ауыл шаруашылығы өнімін өндіру;
-
өз өндірісінің ауыл шаруашылығы өнімін өткізу;
-
өз өндірісінің өнімін қайта өңдеу және қайта өңдеу өнімдерін өткізу.
Сонымен қатар, бұл режим акцизделетін тауарларды өндіру, қайта өңдеу және өткізуге байланысты қызметке қолданылмайды.
Шаруа және фермер қожалықтарына арналған арнайы салық режимін қолданатын салық төлеушілер мынадай салықтар мен төлемдерді төлеуден босатылады:
-
жер салығынан және жер учаскелерін пайдаланғаны үшін төлемнен (заңнаманы бұзу жағдайларын қоспағанда);
-
көлік құралдары салығынан (белгіленген салық салу объектілері бойынша);
-
мүлік салығынан (белгіленген объектілер бойынша);
-
әлеуметтік салықтан;
-
қоршаған ортаға теріс әсер еткені үшін төлемнен;
-
қосылған құн салығынан (импортталатын ҚҚС пен резидент емес тұлғалар үшін ҚҚС-ты қоспағанда).
Арнайы салық режимі бойынша декларация төлем көзінен ұсталатын салықты қоспағанда, жеке табыс салығының сомаларын және жер үсті су объектілерінің су ресурстарын пайдаланғаны үшін төлемді көрсетуге арналған.
Жеке табыс салығы Қазақстан Республикасының Салық кодексінің 730-бабына сәйкес түзетулерді ескере отырып, кірістің 0,5 % мөлшерлемесі бойынша төленеді.
Салықтық және есепті кезең күнтізбелік жыл болып табылады. Арнайы салық режимін таңдаған кезде салық төлеуші оны қолдану шарттарының барлығы сақталған жағдайда кемінде бір күнтізбелік жыл бойы қолдануға міндетті.
Декларация есепті кезеңнен кейінгі жылдың 31 наурызынан кешіктірмей жер учаскесі орналасқан жердегі салық органдарына ұсынылады.
2026 жылы шаруа және фермер қожалықтарына арналған арнайы салық режимі аграрлық сектор үшін ең жеңілдікті әрі қолайлы салық салу құралдарының бірі болып қала береді. Төмен салық мөлшерлемесі, міндетті төлемдердің басым бөлігінен босатылуы және оңайлатылған есептілік оны Қазақстандағы ауыл шаруашылығын мемлекеттік қолдаудың маңызды элементіне айналдырады.
Ақпарат көзі : https://www.gov.kz/memleket/entities/kgd-vko/press/news/details/1280894?lang=ru
Жауап қалдыру