ҚР ТЖМ «Қазавиақұтқару» әуе кемесінің пилоттары Мұхамед-Шәріп Ермеков, Айдар Мамырханов және Асқар Төлегенов санавиацияның дәрігерлері Айгүл Құдербаева мен Антон Волковтан құралған медициналық бригадамен бірге 1988 жылы туған науқасты Катонқарағай ауданынан облыс орталығына шұғыл түрде жеткізді.
Шұғыл медициналық рейстер барлық қатысушылардан жоғары кәсіби дайындықты, жедел шешім қабылдауды және үйлесімді жұмысты талап етеді. ҚР ТЖМ «Қазавиақұтқару» экипажы мен дәрігерлердің жедел әрі кәсіби әрекеттерінің арқасында науқас медициналық мекемеге аман-есен жеткізілді. Ол жерде оған қажетті медициналық көмек көрсетілетін болады.
Қазақстан Республикасының Төтенше жағдайлар министрлігі адам өмірін құтқарудағы маңызды миссиясын жалғастыруда.
Ақпарат көзі : https://www.gov.kz/memleket/entities/emer-vko/press/news/details/1281372?lang=ru
Жауап қалдыру