Ағымдағы жылғы 30 шілдеде Ақмола облысы әкімдігінің отырысында өңірдің әлеуметтік-экономикалық дамуының қорытындылары және 2026 жылдың бірінші жартыжылдығындағы облыстық бюджеттің атқарылуы қаралды.
Бюджеттің атқарылуы және екінші жартыжылдықтағы міндеттер туралы Ақмола облысының қаржы басқармасының басшысы Т.Ю. Белая баяндама жасады.
Бірінші жартыжылдықтың қорытындысы бойынша бюджетті атқарудың негізгі көрсеткіштерінде оң динамика байқалады.
Облыстық бюджет кірісіне 134 млрд теңге түсті, бұл жоспардың 103,2%-ын құрайды. Жоспардан тыс 4 101,7 млн теңге кіріс түсті. Өткен жылдың сәйкес кезеңімен салыстырғанда кірістер 14,6 млрд теңгеге ұлғайып, өсу қарқыны 112,3% құрады.
Облыстық бюджеттің шығыс бөлігі 365,2 млрд теңге көлемінде немесе жоспарға 99,4% орындалды. Осы көрсеткіш бойынша Ақмола облысы (республика өңірлері арасында 9-орынға ие болды, ал 2025 жылғы 1 шілдедегі жағдай бойынша 14-орында болған), облыс бюджетінің атқарылу деңгейі республика бойынша облыстардың орташа көрсеткішінен 2,6 пайыздық тармаққа жоғары.
Отырыс қорытындысы бойынша жергілікті бюджеттерге салықтар мен төлемдердің толық көлемде жинақталуын, сондай-ақ бюджет қаражатының уақтылы әрі тиімді пайдаланылуын қамтамасыз ету жөнінде міндеттер қойылды.
Ақпарат көзі : https://www.gov.kz/memleket/entities/aqmola-karzhy/press/news/details/1281407?lang=ru
Жауап қалдыру