Жарық пен сәнге бөлленген ауыл: Көшелерімізге жаңа сән.
Ауылымыздың ажарын ашып, тұрғындарға жайлы орта сыйлау бағытындағы игі істер жалғасуда. Жақында ауылымыздың орталық және басты көшелеріне заманауи жарықшамдар орнатылып, көркем безендіру жұмыстары жүргізілді.Енді кешкі уақытта ауыл көшелері жарқырап, тұрғындарымыз бен қонақтарымыздың қауіпсіз әрі көтеріңкі көңіл-күймен серуендеуіне толық жағдай жасалды. Бұл тек сыртқы келбеттің әдемілігі емес, сонымен бірге тұрғындарымыздың қауіпсіздігі мен жайлылығы үшін жасалған маңызды қадам.
Ауылды көркейтудегі негізгі өзгерістер:
Жарық диодты (LED) жарықшамдар — кешкі уақытта жол қозғалысы мен жаяу жүргіншілер үшін қауіпсіздікті қамтамасыз етеді;
Түнгі безендірулер мен иллюминациялар — ауылға ерекше сән мен мерекелік атмосфера сыйлайды;
Жайлылық мен тазалық — ауылымыздың ажарын ашып, заманауи кейіпке енгізеді.
Ауылымыздың көркейіп, гүлденуі — бәріміздің ортақ қуанышымыз! Тазалықты сақтап, орнатылған дүниелерді көздің қарашығындай қорғау — әрқайсымыздың азаматтық боршымыз.
Ақпарат көзі : https://www.gov.kz/memleket/entities/kegen-zhylysai/press/news/details/1281959?lang=ru
Жауап қалдыру