2026 жылғы 29 тамызда Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Шығыс Қазақстан облысы бойынша департаменті басшысының м.а. Литке Наталья Викторовна «Аутизм спектрінің бұзылыстары бар балаларды қолдаудан — әр отбасының өмір сапасына» атты қайырымдылық форумына қатысты.
Форум аясында аутизм спектрінің бұзылыстары бар балаларды қолдау, ерте анықтау және диагностикалау, медициналық-әлеуметтік сараптама, абилитация және оңалту, сондай-ақ қажетті әлеуметтік қорғау шараларын айқындау мәселелері қарастырылды.
Өз сөзінде Наталья Литке әлеуметтік қорғау жүйесіндегі Департаменттің рөлі, медициналық-әлеуметтік сараптама жүргізудің ерекшеліктері және балаға көрсетілетін көмектің бірыңғай әрі жүйелі бағытын қалыптастырудағы ведомствоаралық өзара іс-қимылдың маңыздылығы туралы айтып өтті.
Мұндай алаңдар мемлекеттік органдар, мамандар мен ата-аналар арасындағы ашық диалогты дамытуға және балалар мен олардың отбасыларының өмір сапасын арттыру жолындағы ортақ күш-жігерді біріктіруге мүмкіндік береді.
Ақпарат көзі : https://www.gov.kz/memleket/entities/enbek-vko/press/news/details/1282806?lang=ru
Жауап қалдыру