Ташкент қаласында ТМД қатысушы – мемлекеттердің гуманитарлық ынтымақтастығының мемлекетаралық қорының қолдауымен Өзбекстан Республикасы Ғылым Академиясының (Ташкент қ.) Сейсмология институты ұйымдастырған «Жас сейсмологтар мектебі» халықаралық конференциясы өтті.
«СБЗҰҒО» ЖШС атынан конференцияға бас геолог Мақпал Ердеева және кіші ғылыми қызметкер Шырын Маулитова қатысты.
Бағдарлама аясында қатысушылар сейсмология және геофизика саласындағы жетекші мамандардың дәрістерін тыңдады, ғылыми семинарларға, практикалық сабақтарға және қазіргі сейсмология ғылымының өзекті мәселелерін талқылауға қатысты.
Аумақтар мен ірі құрылыс объектілерінің сейсмикалық қауіптілігін бағалаудың заманауи тәсілдері мен әдістеріне, сейсмологиялық деректерді өңдеу және түсіндіру мәселелеріне, сондай-ақ ТМД елдерінің мамандары арасында тәжірибе алмасуға ерекше назар аударылды.
«СБЗҰҒО» ЖШС қызметкерлерінің «Жас сейсмологтар мектебі» конференциясына қатысуы кәсіби құзыреттілікті кеңейтуге, заманауи ғылыми-әдістемелік тәсілдермен танысуға және ТМД қатысушы – мемлекеттердің бейінді ғылыми ұйымдарымен өзара іс-қимылды нығайтуға мүмкіндік берді.
Алынған білім мен практикалық тәжірибе «СБЗҰҒО» ЖШС одан әрі ғылыми-зерттеу қызметінде, оның ішінде сейсмикалық қауіпті бағалау әдістерін жетілдіру және сейсмологиялық бақылауларды дамыту кезінде пайдаланылатын болады.
Ақпарат көзі : https://www.gov.kz/memleket/entities/kpchs/press/news/details/1283142?lang=ru
Жауап қалдыру