📌 Тауарлардың шығарылған елін дұрыс айқындау демпингке қарсы шараларды қолданудың негізгі элементтерінің бірі болып табылады. ЕАЭО шеңберінде тауарлардың шығарылған елін айқындаудың бірыңғай тәсілдері қолданылады.
Құқықтық реттеу 2014 жылғы 29 мамырдағы ЕАЭО туралы шартқа, ЕАЭО Кеден кодексіне және 2018 жылғы 13 шілдедегі ЕЭК Кеңесінің № 49 шешіміне сәйкес жүзеге асырылады. Аталған шешіммен тауарлардың шығарылған жерін айқындаудың преференциялық емес қағидалары бекітілген.
🔎 Тауарлардың шығарылған елін айқындау өлшемшарттары
Преференциялық емес мақсаттарда тауар толық өндірілген немесе жеткілікті қайта өңдеуге ұшыраған ел тауардың шығарылған елі болып есептеледі.
Егер тауарды өндіру кезінде әртүрлі елдерден шыққан материалдар пайдаланылса, шығарылған ел жеткілікті қайта өңдеу өлшемшарттары негізінде айқындалады. Оларға тауардың сыныптау кодын өзгерту, адвалорлық үлес өлшемшарты не белгілі бір өндірістік немесе технологиялық операцияларды орындау жатады.
📄 Тауардың шығарылған елін растау
Шығарылған елге байланысты ішкі нарықты қорғау шараларын қолдану кезінде тауардың шығарылған елі тауардың шығарылған жері туралы сертификатпен расталады.
Сертификат уәкілетті органмен тауардың бір партиясына беріледі.
Жекелеген жағдайларда тауардың шығарылған жері тауардың шығарылған жері туралы декларациямен расталуы мүмкін. Атап айтқанда, ұқсас тауарлар партиясының жалпы кедендік құны белгіленген Қағидаларда көзделген талаптар сақталған жағдайда 1 500 еуроға баламалы сомадан аспаған кезде.
✅ Қорытынды
Осылайша, демпингке қарсы шараларды қолдану кезінде тауардың шығарылған елін айқындау тиісті шараның әкелінетін тауарға қолданылуын белгілеу үшін тікелей маңызға ие. Шығарылған елді тиісті құжаттармен растау ішкі нарықты қорғау шараларын дұрыс қолдануды қамтамасыз етуге мүмкіндік береді.
Ақпарат көзі : https://www.gov.kz/memleket/entities/kgd-vko/press/news/details/1283469?lang=ru
Жауап қалдыру