Алматы облысында жаңа оқу жылын әр бала қуанышпен қарсы алуы үшін игі шаралар жалғасуда.
«Мектепке жол» республикалық акциясы аясында Алматы облыстық мәслихатының депутаттары 10 миллион теңгеге жуық қаржыға 400-ден астам балаға мектепке қажетті оқу құралдары, сөмкелер, мектеп формасы мен спорттық киімдер табыстады.
Сонымен қатар, 8 балалы отбасыға 10 сотық жер телімі мен үй берілді. Бұл – әлеуметтік тұрғыдан аз қамтылған, көпбалалы және толық емес отбасыларға көрсетілген нақты қолдау. Балалардың жүзіндегі қуаныш пен ата-аналардың алғысы – осы игі істің ең үлкен нәтижесі.
Баланың білімге деген ынтасын арттырып, мектепке алаңсыз баруына жағдай жасау – баршамызға ортақ міндет.
Жаңа оқу жылы әр балаға жаңа мүмкіндік, биік мақсат және жарқын жетістіктер әкелсін!
Ақпарат көзі : https://www.gov.kz/memleket/entities/almobl-maslihat/press/news/details/1283670?lang=ru
Жауап қалдыру