Айыртау ауданындағы арнаулы әлеуметтік қызметтерге мұқтаж балаларды қолдау орталығына бару жүзеге асырылды. Сапар барысында кәмелетке толмағандардың құқықтарының сақталуы, олардың қауіпсіздігін қамтамасыз ету және тұрудың тиісті жағдайларын жасау мәселелері қаралды.
Балалардың орталықта болуына құқықтық негіздердің сақталуына, белгіленген болу мерзімдерінің сақталуына, кәмелетке толмағандарды отбасыларына қайтару не оларды қорғаншылыққа немесе патронаттық тәрбиелеуге орналастыру бойынша жүргізіліп жатқан жұмыстарға, сондай-ақ ата-аналарымен және басқа да туыстарымен байланыстарын сақтауға ерекше назар аударылды.
Зорлық-зомбылық пен буллингтің алдын алу, жарақаттану жағдайларын есепке алу, бейнебақылау жүйесінің жұмыс істеуі және қолданылатын тәртіптік сипаттағы шаралар мәселелері зерделенді.
Тәрбиеленушілердің мүліктік және қаржылық құқықтары мәселелері жеке қаралды.
Сондай-ақ балалардың білім алуын және әлеуметтенуін ұйымдастыруға, компьютерлік техникаға, интернетке және жақындарымен байланыс жасау құралдарына қолжетімділігіне назар аударылды. Медициналық қызмет көрсетуді ұйымдастыру жағдайлары, тамақтануды ұйымдастыру және санитариялық-гигиеналық талаптардың сақталуы қаралды.
Сапар барысында тәрбиеленушілермен әңгімелесулер өткізілді.
Қазіргі уақытта орталықта 84 бала тұрады.
Ақпарат көзі : https://www.gov.kz/memleket/entities/ombudsman-sko-oblysy/press/news/details/1284222?lang=ru
Жауап қалдыру