ШҚО тұрғынынан 35 кг қарасора тәркіленді
Шығыс Қазақстан облысында Полиция департаментінің Есірткі қылмысына қарсы іс-қимыл басқармасы мен Экономикалық қылмысқа қарсы іс-қимыл басқармасының қызметкерлері «Қарасора-2026» жедел-профилактикалық іс-шарасы аясында қарасораны заңсыз өсіру және сақтау фактісін анықтады. Глубокое ауданының 48 жастағы тұрғыны ұсталды.
Үй мен шаруашылық құрылыстарын тінту барысында полицейлер өсімдік тектес зат түйіндерін, кептірілген өсімдік бөліктерін және 40 түп бұтаны тапты.
Сараптама тәркіленген заттардың есірткі құралдарына жататынын растады.
Негізгі тәркіленген зат бақшадан табылды. Үй маңындағы аумақта полицейлер тағы 156 түп қарасораны анықтады.
Тәркіленген заттың жалпы салмағы 34,9 килограмды құрады.
Ер адам ұсталып, уақытша ұстау изоляторына қамалды. Қылмыстық іс қозғалды. Тергеу амалдары жалғасуда.
Шығыс Қазақстан облысы Полиция департаменті есірткі құрамы бар өсімдіктерді өсіру және сақтау заң бойынша қатаң қылмыстық жауапкершілікке әкеп соқтыратынын ескертеді. Күнделікті тіршіліктегі кәдімгі шаруа болып көрінген бұл жағдай соңында ауыр қылмыстық іске негіз болды.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1284806?lang=ru
Жауап қалдыру